Góðan og blessaðan daginn!! :)

breytingar

Mon, 05 Jun 2006 01:27:35 GMT

Já það munar ekkert um það bara tvö blogg á einu kvöldi og meira að segja í rauninni þrjú því eftir að hafa sýnt þennan líka rosalega bloggdugnað fyrr í kvöld ákvað ég nú að fara aðeins að tölvunördast og varð afraksturinn bara glænýtt blogg enda er ég komin með ansi mikið ógeð á þessu! :$ Þó hef ég nú átt ansi góðar stundir hérna í næstum 2 ár og látið gamminn geysa um hin ýmsu málefni sem verður nú að viðurkennast að eru mis merkileg! En það var víst kominn tími til að breyta og býð ég ykkur því velkomin á sigurlina.bloggar.is ...já ég veit ekki mjög töff nafn en öll þau flottu voru bara upptekin og ég heiti víst Sigurlína svo.... :haha:

Sjáumst þar

enn einu sinni komin suður....

Sun, 04 Jun 2006 22:37:54 GMT

Góðan daginn öll sömul! þá er maður mættur aftur í höfuðborgina :S kvaddi akureyri með miklum söknuði á fimmtudaginn og byrjaði ferðalagið mitt ekki mjög gáfulega þar sem stórvinur minn frá akureyri búálfurinn ákvað að elta mig suður yfir heiðar og fela bílinn minn fyrir mér á bílastæðinu á flugvellinum :^) þar sem ég var nú einu sinni stödd í borg óttans þorði ég ekki að skilja dýrmætan farangur minn eftir meðan ég leitaði að bílnum þannig að ég dröslaðist um með allar töskurnar mínar að leita að bílnum og tók það sko dágóðan tíma skal ég segja ykkur ...en hann fannst nú sem betur fer að lokum og var auðvitað þar sem ég leitaði upphaflega!! ...alveg tíbískt! ég held sko að þetta sé það allra kræfasta sem Búi hefur gert og ég barasta skil ekki ennþá hvernig hann fór að því að fela heilan bíl! :$ En þar sem ég er nú ekki beint þekkt fyrir annað en að ferðast með ansi mikinn farangur þá tók þetta nú ansi mikið á þrátt fyrir að ég sé nú auðvitað algjör massaköggull og uppskar ég ansi mikla vöðvabólgu eftir að hafa dröslast um með heilar fjórar töskur! En sem betur fer gleymdi ég nú helmingnum af farangrinum mínum á akureyri, eins og mér er nú einni lagið! þannig að þetta hefði nú getað verið verra.... Ég verð þó að taka það fram mér til varnar að það var ekki ég sem lagði bílnum mínum heldur hafði símon verið svo góður að skutla honum þangað fyrir mig og ég steingleymdi auðvitað að fá að vita hjá honum hvar hann hafði lagt bílnum! :| ...en ég get allavega huggað mig við það að þá er ég búin með líkamsræktina fyrir þennan mánuðinn!! :haha:

Var síðan strax minnt á það á föstudaginn af hverju ég ákvað á sínum tíma að setjast ekki að í Reykjavík! nefnilega helvítis umferðin, viljiði vinsamlegast minna mig á það að vera aldrei aftur á ferðinni milli fjögur og fimm á föstudegi það er nefnilega ekki mjög gaman! Sérstaklega ekki þegar maður þarf að fara í algjörlega ónauðsynlegar ferðir bara af því maður tók óvart eitt stykki lykil með sér heim úr vinnunni sem er bara til í einu eintaki og verður að vera til staðar niðri í vinnu :$ ....og ég þessi mikla rólyndismanneskja (huhumm!!) breytist líka í eitthvað óargadýr þegar umferðin er svona, verð alveg einstaklega óþolinmóð (af því ég er það ekki svona dagsdaglega), bölva öllum bílunum, svissa á milli akreina eins og vitleysingur, verð alveg einstaklega pirruð og hugsa með enn meiri söknuði til akureyrinnar minnar þar sem maður þarf aldrei að bíða í 25 mínútur á ljósum!!

En fyrir utan umferðina (og heimþrána) er lífið hérna bara nokkuð gott, skelltum okkur á djammið á föstudaginn þar sem það var afrekað að drösla einu stykki ljótri grænni flíspeysu með sér út um allt ...meira að segja borgað fatahengi undir hana! :haha: og margt fleira skemmtilegt! en annars hefur helgin verið tekin í það mikla leti að ég held ég sé barasta að fá legusár á sacrum eða m.ö.o fyrir þá sem eru ekki sérfróðir í líffærafræði á rassinn! þar sem ég er búin að liggja upp í rúmi með tölvuna mína og horfa á 15 þætti af LOST ....gat auðvitað ekki hætt fyrr en ég var búin með seríuna! :$ já maður er alveg hryllilegur!! fékk líka sko að heyra það í gær frá mínum heittelskaða að ég væri sko nörd!!

En jæja rasssára tölvunördið kveður að sinni

bæjó!! :)

Alltaf sama leti í manni...

Wed, 31 May 2006 16:38:13 GMT

Það er greinilegt að sumarið er komið með öllu sem því fylgir eins og t.d lyktinni af nýslegnu grasi, ísferðum, rómantík, þægindum, sól, fótbolta og já síðast en ekki síst bloggleti! Alveg merkilegt hreint hvað maður nennir bara alls ekki að blogga á sumrin, en svona er það víst bara þar sem maður getur verið að gera svo margt annað skemmtilegt en að hanga í tölvunni! Ég ætla þó að reyna að láta eitthvað í mér heyrast í sumar en lofa þó ekki miklu!

En af mér er bara allt ljómandi gott að frétta, búið að vera alveg frábært hérna á Akureyrinni, þó að maður sé kannski ekki búinn að gera neitt stórkostlega mikið, nema slappa af, kúra og svoleiðis þægilegheit. Afrekaði það þó að fara í eitt partý á kosningadaginn sem hafði upp á allt að bjóða sem gott partý þarf að hafa eins og t.d töframann sem sýndi alveg snilldartakta! :D Enda er búið að bóka kauða á tommaraættarmótið í sumar! Á sunnudagskvöldið "grilluðum" við vinirnir svo saman þar sem ég, Ester og Jónsi grilluðum þessa líka dýrindishamborgara ....reyndar ekki á sama grilli og allir hinir þar sem okkur fannst nú bara mun þægilegra að nýta okkur grillið góða í sjoppunni! :haha: við ansi mikla hneikslan sumra! Svo er bara skipulögð suðurferð aftur á morgun :cry: ...ég treysti því þó að stelpurnar fyrir sunnan verði duglegar við að hugga mig og gera eitthvað skemmtilegt með mér! ;) og er stefnan strax sett á mikla stuð helgi, tónleikar, bjór og mikið fjör!!

Já og að lokum fyrir þessa forvitnu þá eru loksins blessuðu einkunnirnar komnar í hús, meðaleinkunnin hélst réttu megin við níuna og er ég bara hæst ánægð með það :o Náði þar að auki að halda markmiðinu mínu sem ég setti mér þegar ég byrjaði í háskóla og er ekki neitt lítið hissa á því svona miðað við dugnaðinn eða réttara sagt skort á honum þessa önnina! :$

En jæja nóg komið í bili

Bæjó!

Mætt norður :)

Tue, 23 May 2006 20:18:58 GMT

Jæja bara ansi langt síðan síðast hjá mér! og ástæðan er sko ekki bloggleti heldur er um að kenna alveg óendanlega mikilli vinnu má segja að ég hafi bara eiginlega verið í Sóltúni frá hálf fjögur á föstudaginn til fjögur í gærdag ef undan eru skildar næturnar! :$ ....en það var sko vel þess virði því ég er mætt á Akureyri núna! :haha: Ég, mamma og pabbi brunuðum norður í gær í alveg sannkölluðu sumarveðri eða hitt þó!! hvað er eiginlega málið með veðrið!! þá á sko að heita sumar! samt alveg tíbískt, var alveg magnað veður meðan ég var í prófum og síðan í þessa örfáu daga sem ég fæ í frí er bara snjókoma og vesen! :whut: En í tilefni af þessu veðri var dagurinn í dag vægast sagt tekinn í afslöppun, búin að liggja eins og skata í allan dag og glápa á prison break og borða snakk og nammi. Og jeminn segi ég bara! hvað þetta er spennandi og ég held ég verði bara að vitna í Monicu og segja HabaHaba gaurinn sem leikur í þesu fer sko pottþétt á 5 stjörnu listann minn!! :haha:

En talandi um stjörnur þá barasta verð ég að segja frá algjörri snilld, yfir óendanlega leiðinlegu júróvisjón á fimmtudagskvöldið skemmtum við Tinna okkur ekki neitt lítið yfir síðu sem Einar bendir á á blogginu sínu, http://www.myheritage.com/ og er þetta síðan og þarna semsagt setur maður mynd af sér og þá kemur síðan með stjörnur sem maður líkist ...þetta er nú svosem ekkert í frásögur færandi nema hvað að hún Tinna virðist ekki eiga framtíðina fyrir sér í holívúd þar sem hún var talin líkjast Barry Levine (sem er gamall kall), Elton John kom einnig upp sem og Robert Downey Jr. sem er nú allavega sætur en það sem toppaði allt var þegar sagt var að hún væri lík Ruben Studdard sem var í American Idol!! úff hvað ég hló mikið og mæli ég með því að fólk skoði þetta þar sem þetta er ekki neitt lítið fyndið! Tinna greyið líktist allavega aðallega karlmönnum og þá helst gömlum köllum með gleraugu! Ég nenni nú ekki að eyða tíma í að tala um júróvisjón en verð þó að segja að mér fannst atriðið hennar silvíu snilld og var tapsára ég alveg drullusvekkt með að komast ekki áfram!

En jæja pizzan mín er víst að mæta í hús þannig að ég læt þetta duga í bili

Bæjó Sísí hamingjusama! :haha:

P.s Árni innilegar hamingjuóskir með afmælið!!

Já lífið er víst ekki alltaf sanngjarnt! :(

Thu, 18 May 2006 17:46:24 GMT

Já ég held barasta að ég hafi toppað sjálfa mig núna! Skellti mér nefnilega aðeins út með Rebekku í dag og svo þegar ég kom heim aftur fatta ég að snillingurinn ég hafði skilið lyklana mína, semsagt bíllyklana og húslyklana eftir inni og ekki nóg með það heldur símann minn líka! :S Hvað gera bændur þá! En sem betur fer ákvað ég að vera hagsýn um daginn og fékk mér nýtt númer hjá símanum og á þar af leiðandi tvo síma og var með annan þeirra á mér og náði að hringja í Tinnu systur sem kom og bjargaði mér ....en semsagt ef þið hafið eitthvað ætlað að ná í mig í dag þá svaraði ég ekki í símann þar sem hann var læstur inni!

Ætli maður verði svo ekki aðeins að blogga um gærkvöldið! Jeminn hvað ég var svekkt! :cry: ....kvöldið var samt ansi skrautlegt í heildina litið, Rebekka er svo góð vinkona að hún bauðst til þess að horfa með mér á leikinn ...takk kærlega fyrir það elskan!! :haha: ...en við vorum nú aðeins seinar fyrir sem leiddi til þess að á gjörsamlega öllum stöðum bæjarins var gjörsamlega troðfullt, meira að segja á Péturspöbb upp á höfða :haha: Þetta olli því að ég missti nú af öllum fyrri hálfleik meðan við rúntuðum á milli staða, ég alveg að drepast úr stressi en var nú sem betur fer í símasambandi, missti mig alveg þegar ég fékk fréttirnar um rauða spjaldið og fagnaði auðvitað alveg gífurlega þegar markið kom! en að lokum fékk Rebekka þá snilldarhugmynd að kíkja á Kringlukrána og þar fengur við sæti og ekki nóg með það heldur borð líka og gátum því setið þar í hinum mestu makindum, borðað pizzu og drukkið bjór! Ég náttúrulega lifði mig inn í leikinn að vanda, öskraði og æjaði, stökk upp og grúfði andlitið í höndunum á mér ...og það sko áður en mörkin komu frá Barcelona því þá gjörsamlega missti ég mig og mér til mikillar gleði náði Rebekka öllum herlegheitunum á Vídjó :^) Reyndar sem betur fer bara fyrra markinu þar sem ég gjörsamlega trompaðist þegar seinna markið kom og mun parketið á Kringlukránni væntanlega ekki bíða þessa bætur þegar stólnum sem ég sat á var gjörsamlega dúndrað í gólfið! :$ og ekki nóg með það heldur var ég ansi nálægt því að berja strákfíflin á næsta borði en náði nú sem betur fer að hemja mig og rukum við út af staðnum um leið og norsarafíflið flautaði hann af! Já kvöldið var semsagt svona í stuttu máli hjá mér :haha:

Annars eru undanfarnir dagar búnir að vera nokkuð rólegir, var bara í fríi í vinnunni þriðjudag, miðvikudag og fimmtudag, en bæti mér það svo heldur upp um helgina með því að vinna tvöfalt bæði á laugar og sunnudag sem þýðir semsagt ekkert júróvisjóndjamm á mér! :( En það verður barasta að hafa það ....verð allavega að vinna með Evu Björk þannig að við gerum nú barasta gott úr þessu! Síðan er það bara Akureyri á mánudaginn og vá hvað ég hlakka til! :haha:

En jæja ætla að fara að gera eitthvað af viti hérna heima hjá Tinnu

skemmtið ykkur vel yfir júróvisjón í kvöld og ég segi bara áfram Silvía!!!

Kv. Sísí crazy!

Mætt í borgina

Wed, 17 May 2006 11:57:41 GMT

Jæja maður verður víst að láta heyra eitthvað í sér frá reykjavíkinni, en ég allavega mætti hingað galvösk á mánudaginn, brunaði hingað ásamt henni Hröbbu og fór víst aðeins of hratt að mati sumra! :$ ...en ég skal lofa að fara varlega næst! ;) Skellti mér beint á eitt stykki kvöldvakt og var ekki neitt lítið gaman að hitta allt liðið aftur þó það myndi nú misjafnlega vel eftir mér!

Þrátt fyrir að það sé auðvitað æðislegt að vera hérna í reykjavíkinni, íbúðin sem ég er í er alveg frábær o.s.frv. er nú ekki laust við að smá söknuður til Akureyrar og fólksins þar hafi gert vart við sig :cry: ...enda er strax búið að skipuleggja ferð norður næsta mánudag þar sem ég er í ansi löngu vaktafríi ....og já ég veit að ég er algjör auli! :haha: En til að létta mér nú aðeins lífið þá var sko haldið í búðirnar í gær og 20% afslöttur af öllum vörum í 17 hentaði mér nú ansi vel og vory því keyptar buxur, 4 bolir, 2 peysur, pils, húfa, hárspöng og sólgleraugu og maður er barasta tilbúinn í sumarið! Kaupin á buxunum voru ekki neitt lítið ánægjuleg tók nefnilega í fyrstu tilraun 5 buxur með mér inn í klefann og kom ekki einum einustu upp fyrir rassinn á mér við alveg gífurleg fagnaðarlæti :haha: ...ekki neitt lítið stolt af mér, sérstaklega í ljósi þess að ég var að koma úr próftíð þar sem maður er nú vanur að horast niður!

Gærkvöldið var svo snilldin ein, var nefnilega svo heppin að áskotnast DIRTY DANCING á dvd, búin að leita að henni í mörg ár þannig að það getið rétt svo ímyndað ykkur hamingjuna sem er núna ríkjandi, þannig að það var keypt endalaust af nammi og svo legið upp í rúmi og horft á þessa snilld ...horfði á lokaatriðið ekki nema þrisvar sinnum!! ...og það besta er að í aukaefninu er sko einn liður "learn to Dirty Dance" þannig að þið megið búast við mér flottri á dansgólfinu næsta haust! :haha: ....og Ester okkur hefði sko ekki veitt af þessu í gamla daga í öllum lyftuæfingunum!! hehehe

Í dag eða réttara sagt kvöld er svo merkiskvöld! nefnilega úrslitaleikurinn í meistaradeildinni og ég fæ bara fiðring í magann við að hugsa um leikinn því stressið er orðið svo gífurlegt! ég veit reyndar ekki alveg hvar og hvernig ég ætla að horfa á leikinn þar sem ég treysti mér ekki í að horfa á hann á bar þar sem ég verð svo óendanlega pirruð að hlusta á heimska fulla kalla bulla algjöra steypu um fótbolta ....ég er sko alls ekki að segja að allir kallar sem eru að horfa á leikina á börum séu þannig en þeir örfáu sem eru þannig eru algjörlega óþolandi! Á það líka sjálf til að verða svona örlítið æst yfir leikjum og langar ekki beint að vera á almannafæri þegar það gerist! :^) Það var sko ekki að ástæðulausu sem Inga Huld sagði Jónsa að hann myndi hætta með mér ef hann myndi horfa á Arsenal leik með mér! :haha:

En jæja þetta er orðið alltof langt ...Myndirnar hennar Rebekku síðan á föstudaginn komnar inn hér

Bæjó!

komnar myndir!

Sun, 14 May 2006 13:38:43 GMT

Já vefstjórinn klikkar ekki! :haha: ....myndirnar síðan á föstudaginn komnar inn, hér, setti þær meira að segja strax inn í gærmorgunn en tókst á einhvern undraverðan hátt að klúðra því þannig að þær duttu allar út og þar sem ég er nú ekki sú þolinmóðasta og skapbesta treysti ég mér ekki aftur í þetta fyrr en núna! :S En þetta eru nú samt ekki mjög margar myndir þar sem vélin var alveg á nippinu með að verða batteríslaus en þetta er nú allavega eitthvað!

Kvöldið var alveg snilldin ein! Þemað hjá okkur á öðru árinu var appelsínugulur og við stóðum okkur heldur betur í stykkinu og þegar litið var í snöggu bragði yfir amor um kvöldið var þessi glæsilegi litur ansi áberandi! :D En þetta var þvílíka stuðið, hittumst fyrst heima hjá önnu maríu þar sem það var grillað, farið í sing star og fleira ...ég reyndar gerði öllum viðstöddum þann greiða að taka ekki þátt í sing starinu :haha: Síðan var haldið í bæinn í misgóðu ástandi þar sem var bjór og skot í boði eirar og var mannskapurinn heldur betur hress og dansað var fram á rauða nótt! Þegar heim kom um nóttina var málgleðin að venju ansi mikil og fékk Jónsi greyið að heyra allar sögurnar frá kvöldinu ....en það er nú svosem ekki í framsögur færandi nema hvað morguninn eftir þá mundi ég auðvitað ekkert eftir að hafa sagt honum allar þessar sögur og fékk greyið að heyra þetta allt aftur :haha: ...eða þangað til að hann benti mér loksins á að hann hefði nú fengið að heyra þetta allt saman um nóttina! Já það er nú merkilegt hvað maður er nú alltaf rosalega skemmtilegur þegar maður er búinn að fá sér svona aðeins í tánna! :)

En jæja þetta getur víst ekki orðið lengra að sinni þar sem ég þarf að fara að skella mér á völlinn!

Næst læt ég væntanlega í mér heyra frá reykjavíkinni!

Heyrumst og áfram Þór!!! :P

komin í sumarfrí ...eða allavega fram á mánudag!! :)

Thu, 11 May 2006 20:58:30 GMT

Það er alveg merkilegt með mann að maður skuli barasta aldrei læra neitt ....búin að vera í skóla í alveg heil 16 ár alls og ekki ennþá búin að fatta hvað það er alveg rosalega sniðugt að lesa jafnt og þétt yfir önnina! :S Sá það í gær að það var ekkert mjög svo gáfulegt að byrja að lesa hjúkrunaráfangann í hádeginu með prófið klukkan níu morguninn eftir!! :( En núna er ég allavega búin að fatta það og eftir þennan hrylling sem þessi blessaða próftörn var þá er sko pottþétt að ég mun allavega reyna að læra jafnt og þétt næstu önn! :haha: ...En þetta skiptir nú samt ekki neinu máli núna því ÉG ER BÚIN Í PRÓFUNUM!!! Þvílíka gleðin og hamingjan þó ég haldi að árangurinn hafi nú eitthvað dalað frá síðustu próftíðum en ég er allavega búin að finna manneskju til að kenna um þetta og það er sko ekki ég!! :haha:

En prófaljótan er reyndar alveg að fara með mig þar sem ég er búin að afreka það að sofa alveg heila 10 tíma undanfarna þrjá sólarhringa þannig að það er ekki laust við að maður sé svolítið tussulegur! Til að bæta úr því var því skellt upp eins og einni snyrtistofu inn í Þorbjargarstofu þar sem Baddý tók sig til, vaxaði, litaði, plokkaði og gerði okkur alveg ægilega sætar aftur ....og ekki veitti af!! :$ Síðan kom orlofið í dag og það var sko heldur betur óvæntur glaðningur og því er stefnan sett á smá shopping spread á morgun og er ætlunin að dressa sig alveg upp ....verst að það eru nú ekki neitt miklar líkur á að rekast á eitthvað hérna á eyrinni þannig að það er kannski bara spurning um að bíða með þetta fyrir reykjavíkina sem bíður manns nú bara eftir helgina! Er orðin ekki neitt lítið spennt að hitta reykjavíkurgellurnar mínar og taka létt skrall með þeim þó mig langi líka pínu að vera bara áfram á akureyri :|

Þessu er alveg að ljúka....

Tue, 09 May 2006 18:08:20 GMT

Jæja þá er loksins farið að styttast í annan endann á þessari blessuðu próftíð lyfjafræðin var kláruð í dag og þá er bara hjúkrunin eftir á fimmtudaginn og jeminn hvað ég get ekki beðið! Er sko alveg að mygla yfir þessu helvíti, svíður í augun af þreytu og baugarnir ná hálfa leið niður á brjóst! En þessu er sem betur fer öllu að ljúka, nú verður bara lesið eins og brjálæðingur í kvöld og á morgun ....ég meina hver segir að það sé nokkuð mál að frumlesa eins og einn sex eininga áfanga á einum og hálfum degi :$ ekki eins og maður hafi ekki gert það áður! ....og svo tekur við svefn og aftur svefn á fimmtudaginn!!!

Reyndar hefur það að læra hjúkrun ótvíræða kosti í för með sér eins og t.d aðgang að hjúkrunarstofunni með alveg yndislegum rafmagnsrúmum og er ekkert betra en að skella sér þangað, hvíla sig og láta fara vel um sig við lesturinn. Jafnframt höfum við líka þennan fína sólpall sem kom nú að góðum notum um helgina þegar setið var úti við lestur og sólað sig. Þannig að það er semsagt ýmsilegt sem við finnum okkur til dundurs hérna í skólanum og er Baddý með þessa líka fínu sönnun þess á blogginu sínu. Tókum okkur nefnilega til um daginn og ákváðum að hressa okkur með því að skella okkur í handahlaup ...sem hafa nú aldrei verið talin mín sterkasta hlið sælla minninga síðan sprikla lét mann vera í aukatímum í þessu í gamladaga! En þessir aukatímar gerðu greinilega ansi lítið gagn því sjaldan eða jafnvel aldrei hafa sést jafn hörmulegir taktar eins og sést glögglega á vídjóinu sem baddý skellti á netið! :haha:

En svo er auðvitað það besta og skemmtilegasta við prófin framundan á föstudaginn, já ég er sko að tala um próflokadjammið! og ef fólk langar að hitta hressar og skemmtilegar hjúkkur og iðjur þá er amor sko málið á föstudaginn, megið búast við því að sjá mig og mínar elskulegu bekkjarsystur í einhverri flottri appelsínugulri múnderingu enda er það víst þemað fyrir okkur á 2. ári ...en vá það er sko alltof langt síðan síðast enda sást það greinilega í prófinu í morgun þegar rebekka opnaði magicinn sinn og það heyrðist svona "bjór-hljóð" og við bara gjörsamlega sleiktum út um og er því spenningurinn orðinn nokkuð mikill! :P Síðan er auðvitað stórleikur í fótboltanum á sunnudaginn, KA-Þór, gerist ekki betra og maður lætur sig auðvitað ekki vanta á hann og síðan verður bara brunað suður á mánudagsmorguninn og mætt á kvöldvakt þá um kvöldið og sumarið loksins byrjað fyrir alvöru!!

En jæja farin í hjúkrunina....

mjög svo skemmtileg nótt að baki!!

Sat, 06 May 2006 13:09:40 GMT

Passaðu þig á rjómanum á gólfinu ...já þetta er ekki eitthvað sem maður heyrir oft þegar maður ætlar að fara á fætur á morgnana en þetta fékk ég samt sem áður að heyra í morgun! þetta tengist þó ekki einhverju kinkí kynlífi heldur liggur að baki þessu nokkuð löng saga og ansi skondin ...þó mér hafi kannski ekki þótt það neitt rosalega fyndið í nótt! :$ En málið var allavega það að eftir ekki nema 13 tíma lestur í gær var ég alveg óendanlega þreytt og þótti okkur því tilvalið að sofa í sveitinni í rúmi sem er já aðeins betra en rúmið mitt og svo til að fullkomna þetta alveg er náttúrulega svo yndileg kyrrð í sveitinni og svo framvegis! ...en neinei ekki í þetta skiptið :!: Það fyrsta sem við sáum þegar við renndum upp að húsinu var eitt stykki srákur að pissa fyrir utan og það gaf manni nú vísbendingu um hvað var framundan ....nefnilega alveg magnað partý! ég var nú reyndar algjör party pooper fór bara beint inn í herbergi og þetta er sko NB þriðja djammlausa helgin mín í röð! já geri aðrir betur, reyndar líka einu djammlausu helgarnar á árinu ....en það er nú bara aukaatriði! 8) Ég hélt nú samt að ég gæti nú alveg sofið þó það væri nú eitt stykki partý í gangi enda ekki fræg fyrir vandamál með svefn! en nei það var nú af og frá enda snilldarpartý þarna á ferð með öllu tilheyrandi eins og bálför, slagsmálum, öskurkeppni og síðast en ekki síst rjómasprautun á okkur fólkið sem reyndi að sofa! mjög svo skemmtilegt! ....ég er allavega spennt að fá að taka þátt í svona partý í framtíðinni þegar tilhugsunin um endalausan lyfjafræðilestur er ekki að trufla mann! Mér tókst nú sem betur fer að sofna að lokum eftir að ákveðinn maður hafði tekið sig til og kýlt mann og annan og bókstaflega hent mannskapnum út úr húsinu!

En svo maður breytir nú um umræðuefni þá virðist sumarið vera komið hérna á akureyri, næstum 20 stiga hiti, sól og blíða og grasið barasta orðið grænt ....og ég inni að læra! pabbi sér þó auðvitað um sólböðin fyrir mig, enda ekki við öðru að búast þegar hann er annars vegar! ...Reyndar eru það ömurlega sem fylgir sumrinu líka mætt á svæðið, þ.e.a.s góðvinkonur mínar randaflugurnar og mætti ég einni við mikinn fögnuð í morgunsárið og fylgdu þessa sympatísk viðbrögð, semsagt aukinn hjartsláttur, æðarnar í húðinni drógust saman, ég fölnaði öll upp, starfsemi meltingarvegarins minnkaði o.s.frv.... og hver segir svo að maður sé ekki neitt búinn að læra!! :)

En talandi um það þá held ég að ég reyni nú að fara að byrja þar sem klukkan er víst farin að ganga tvö!!

svefnleysið alveg að fara með mann!

Thu, 04 May 2006 14:49:04 GMT

Ég vil byrja á því að þakka fyrir alveg frábærar undirtektir við síðasta blogg! …sjaldan séð jafn skemmtilegar umræður á þessari síðu en ég held ég láti samt stökurnar vera í þessu bloggi! :haha: Þið verðið bara að láta bókina “hulunni svipt af sakleysi sísíar” duga ....en hún er væntanleg í betri bókabúðir fljótlega, á bara eftir að ganga frá smá smotterí! Ætlum einmitt að tala við rektor á næsta rektorsfundi og fá styrki fyrir henni enda er háskólinn nú svo ríkur að hann fer létt með að styrkja svona heimsbókmenntir! :haha:

En svo maður skipti um umræðuefni ...þá er maður búinn í fyrsta prófinu, gekk reyndar ekki alveg jafn vel og það átti að ganga en engu að síður bara ágætlega! Hafði þó smá áhrif að mér tókst í annað skiptið á ævinni að sofa yfir mig í morgun! ….einhverra hluta vegna var bara svo ótrúlega gott að kúra að ég ákvað að snúsa einu sinni og það endaði bara með miklu lengri blundi en 10 mín! og þetta eyðilagði nú pínu allt skipulagið sem hin skipulagsóða ég var búin að gera :S En hitt skiptið sem ég svaf yfir mig var sko notabene þegar ég var í 4. bekk í grunnskóla, en þá hafði rafmagnið farið af og útvarpsvekjarinn hjá m&p klikkaði …ég fór þá líka og keypti mér sjálf vekjaraklukku og hef ekki sofið yfir mig þangað til í dag!

En vá skemmtilegt blogg hjá mér maður að vera að tala um að sofa yfir sig ...en málið er víst þegar maður gerir mest lítið annað að lesa að þá verður fátt sem maður getur talað um ....en annars er bara allt ljómandi að frétta af mér, er barasta að springa úr hamingju þessa dagana :haha: ...eða svona fyrir utan þessi leiðinlegu próf en þau verða nú sem betur fer fljótlega búin!

Jæja læt þetta duga í bili hin yndislega skemmtilega lyfjafræði bíður mín....

Kv. Sísí

Bara svona aðeins að leyfa ykkur að fylgjast með.....

Mon, 01 May 2006 10:53:51 GMT

Ohh ég er svo engan veginn að nenna að vera í prófum þessa dagana þar sem lífið hefur upp á svo margt annað skemmtilegt að bjóða! Því verður nú að segjast eins og er að dugnaðurinn og einbeitingin hefur oft verið meiri ...en maður gerir þó sitt besta! Merkilegt samt hvað maður er mikill snillingur í að finna sér eitthvað annað að gera, t.d er örugglega ekki til það blogg á netinu sem ég hef skoðað og ég hef örugglega aldrei verið jafn dugleg við að drekka vatn þar sem maður getur tekið sér smá pásu og gert sér ferð til að fylla á flöskuna! :haha: En dagurinn einkennist þessa dagana af löngum setum lokuðum inn á bókasafni með eyrnatappana lengst inn í eyrum og endalaus sérlyfja og samlyfjaheiti á sveimi inn í hausnum ....ég meina hvernig í andsk... á maður að muna orð eins og t.d Cyclophosphamide eða kannski er þetta ekki svo gott dæmi þar sem þetta lyf myndar orð sem mögulegt er að leggja á minnið ....sem mörg önnur lyf gera nefnilega ekki. :$

Það er nú samt ýmislegt skemmtilegt sem maður er að lesa og fékk ég t.d vísindalega sönnun á þeim grun mínum að karlmenn eru hræddari við nálar en konur þar sem það stendur skýrum stöfum í glósunum frá kennaranum mínum sem er NB kall! pabbi er náttúrulega eitt frægasta dæmið um þetta þar sem það steinleið nú einu sinni yfir kallin við það að sjá strák sprauta sig með insúlín penna!!! Siggi Bjarklind klikkar heldur aldrei og hér er bein tilvitnun í hann:

" Það er til stórkostleg innrömmuð graftrarkennd sýking í hálsinum á ungu fólki sem heitir peritonsillarabscess, við þessu er til óskaplega einföld og dramatísk lækning, maður einfaldlega tekur bara sjúklinginn, skellur honum á baki, staðdeyfir á honum hálsinn, taka pjang eða æðatöng, reka í bólguna og opna pjanginn og þá gýs upp svona graftrarspía, uppí loft, og eftir tvær mínútur labbar sjúklingurinn út – brosandi." (nennti ekki að vitna í þetta skv. APA :haha: )

Já þetta er alveg einstaklega smekklegt! Síðan að lokum er þessi vísa komin frá honum:

Hún gerði það gott hún Guðmunda

Hún gerði það fyrst með Ámunda

Svo með Hlöðver og Tý, og svo Hlöðver á ný

og svo hljómsveit sem var þar í námunda!

P.s svo endilega kvitta ....þó ekki nema bara til að segja mér hverjir eru að lesa þetta blogg ....er svo ægilega forvitin hverjir eru hérna :)

Það sem maður gerir þegar manni leiðist og nennir ekki að læra!!

Fri, 28 Apr 2006 18:05:15 GMT

Ok mér leiðist alveg rosalega mikið að lesa um sahæfða lyfjafræði og hvað er þá betra en að gera eitthvað svona:

Aldrei í lífi mínu: mun ég halda með KA
Þegar ég var fimm ára: var ég algjör gribba og ansi ofbeldishneigð :haha:

3. Menntaskóla árin voru: frábær ...en ekkert á við háskólaárin

4. Ég hitti einu sinni: Sigga Sveins ;) heheh

5. Einu sinni þegar ég var á bar: drakk ég aðeins of mikið af skotum

6. Síðastliðna nótt: hef ég sjaldan sofið jafn vel ;)

7. Næsta skipti sem ég fer í kirkju: hmmm engar kirkjuferðir skipulagðar á næstunni!

8. Þegar ég sný hausnum til vinstri sé ég: gluggann á bókasafninu ...sé samt auðvitað ekki út því það er dregið fyrir

9. Þegar ég sný hausnum til hægri sé ég: manneskju vera að læra á næsta bás

10. Þegar ég verð gömul/gamall: ætla ég að vera alveg eins og ég er í dag!

11. Um þetta leyti á næsta ári: verð ég væntanlega enn einu sinni að frumlesa fyrir próf :$

12. Betra nafn fyrir mig væri: hmmm hef ekki hugmynd, lesendur góðir mega endilega koma með tillögur

13. Ég á erfitt með að skilja: þá sem tala ekki íslensku eða ensku

14. Þú veist mér líkar vel við þig ef: ég hunsa þig ekki

15. Fyrsta manneskjan til að eignast barn í þínum vinahóp væri: þetta er nú eiginlega úrelt spurning þar sem magga er nú búin að því og gott betur

16. Farðu eftir ráðum mínum: njóttu þess að vera til, gerðu það sem þig langar að gera og ekki pæla í hvað aðrir hugsa

17. Uppáhalds morgunmaturinn minn er: verður ekki betra en morgunmaturinn en í afmælinu hans hauks um daginn ....eggjahræra, beikon, pylsur, baunir, brauð, ávaxtasalat, pasta og eiginlega bara nefndu það

18. Afhverju myndir þú hata mig: ef þú myndir slúðra um mig og bera út sögur sem eru ekki sannar!

19. Ég myndi stoppa mitt eigið brúðkaup ef gaurinn segði vitlaust nafn í brúðkaupinu! heheh ...eða er nokkuð eitthvað svoleiðis á íslandi!

20. Ég myndi frekar sleikja svínsrass en að: halda með KA :haha:

21. Bréfaklemmur eru nytsamlegri en: örugglega ýmislegt en fátt sem ég man eftir í augnablikinu.

22. Ef ég geri e-ð vel, er það: yfirleitt gert á síðustu stundu

23. Myndir sem þú fellir tár yfir eru: Alltaf LaBamba auðvitað og að maður minnist ekki á Notebook ...ansi margra vasaklúta mynd! Síðan felli ég alltaf nokkur gleðitár þegar ég horfi á fever pitch þegar við vinnum liverpool 1989!

En jæja þetta er víst fínt í bili

Back to the books!

smá upplit frá próflestri

Wed, 26 Apr 2006 18:09:44 GMT

Jæja þá er víst leiðinlegasti tími ársins enn einu sinni runninn upp, þ.e.a.s endalaus próflestur með tilheyrandi stressi og alltaf sömu pælingunni “af hverju gat ég ekki drullast til að byrja fyrr að lesa!!” ....en þrátt fyrir að vera að fara í alveg viðbjóðslega erfið próf með alveg óendanlega miklu lesefni get ég huggað mig við að þetta eru ekki nema þrjú próf þessa önnina þannig að þetta verður örugglega enga stund að líða og verður pottþétt aldrei jafn mikill viðbjóður og síðasta próftíð var! :$ ...og síðan er það bara gamla góða mottóið ÞETTA REDDAST ALLTAF ALLT SAMAN!! ...og þegar þetta verður búið tekur við sumarfrí, stefni á að bruna beint suður sunnudaginn 14. og svo er það bara vinna á mánudeginum og er ég bara orðin nokkuð spennt fyrir að hitta alla snillingana á Sóltúni aftur! Það er svo bara allt útlit fyrir skemmtilegasta sumar ævi minnar! hef ekki trú á neinu öðru enda er búið að plana allt alveg í þaula, Mávahlíðin verður án efa heitasti staður borgarinnar og ekki útlit fyrir mikið afslappelsi ...enda er það algjör óþarfi svona yfir sumartímann! :haha:

Þannig að þrátt fyrir að leiðast ægilega yfir endalausum lestri þessa dagana er lífið bara nokkuð gott og skemmtilegt þessa stundina ;) ....og ekki spillti fyrir að arsenal er komið í úrslit í meistaradeildinni!!! "Heppna" ég missti reyndar af leiknum í gær þar sem ég þurfti að vera á þessum líka stórskemmtilega fundi sem bauð upp á allt sem góður fundur þarf að bjóða upp á með smá æsingi! :haha: En á meðan á þessu stóð fékk ég beina útsendingu í símann minn og varð ekki neitt lítið ángæð þegar síðustu tölur komu!

Svona að lokum ætla ég að veita ykkur smá innsýn í hvað það þarf lítið til að skemmta manni þessa dagana, var nefnilega að lesa dikt í því stórskemmtilega fagi sem meinafræði er og þetta leiddi til þess að ég þurfti næstum að fara út af bókasafninu því ég hló svo mikið:

Spurning í sal: Getur ekki blóðtappi komið upp þegar maður er í flugum?..nei ég meina flugvélum?

Ingvar: Ég verð nú að viðurkenna að ég veit nú lítið um sjúkdóma í flugum. :haha::haha::haha: mohahahha ég heyri hann (eða er það ekki alveg til??) svo alveg fyrir mér! :D

búðin mín, litla hryllingsbúðin!

Sun, 23 Apr 2006 13:40:24 GMT

Já þvílíka snilldin segi ég og skrifa, skellti mér á litlu hryllingsbúðina í gær í boði Landsbankans!! ...takk fyrir það Rögnvaldur og félagar! :haha: Jæja þá er ég búin að auglýsa þá og get víst haldið áfram að tala um sýninguna ...en vá ótrúlega var þetta gaman, ég svoleiðis lifði mig inn í þetta og leikararnir voru náttúrulega bara frábærir! Ég er samt alltaf jafn heppin lenti akkúrat beint fyrir aftan örugglega stærsta manninn í salnum þannig að ég þurfti hálfvegis að liggja ofan á greyið Balla til að sjá eitthvað og það er ekki laust við að maður sé með eins og vott af hálsríg í dag! En ég allavega mæli með þessu fyrir þá örfáu sem eiga eftir að sjá þetta.

Þetta var annars alveg frábær helgi, ótrúlegt en satt þá var ekkert djamm á mér ...hvernig væri að klappa fyrir því! :haha: Er reyndar með smá samviskubit því ég beilaði á að mæta í "25 ára" afmælið til Gústa kallsins, sökum mikillar þreytu en vona nú að hann fyrirgefi mér það :S En þrátt fyrir þetta djammleysi lítið sofið og ekkert lesið ...en samt mjög vel þess virði ;) Föstudagskvöldið var tekið í vídjógláp, trivial ...þar sem ég sýndi auðvitað mínar bestu hliðar og má segja að við stelpurnar hafi tekið strákana í þurrt r*******ð! :haha: ....og ekki þótti mér það neitt rosalega leiðinlegt! Ákvað svo að vera alveg rosalega góð við mig í gær og lærði barasta ekki neitt, gerðist eiginlega bara pínu karlmaður, svaf fram að hádegi, lá upp í sófa, borðaði nammi, drakk kók og horfði á fótbolta og til að kóróna sukkið alveg var pöntuð búkollu pizza í kvöldmatinn! :haha: ....við systurnar erum semsagt bara tvær í kotinu þessa dagana og ég sé semsagt um eldamennskuna! :$ ....og þið getið rétt svo ímyndað ykkur hvað er búið að vera á boðstólnum þessa dagana, enda nýtir maður tækifærið meðan mamma sem kaupir ekkert nema einhver fræ, ávexti og grænmeti er í burtu! En þetta mataræði sem ég er að bjóða upp á hentar mér reyndar alveg fullkomlega þar sem mig vantar ennþá alveg þrjú kg. í viðbót til að ná markmiðinu mínu og það þýðir ekkert að slaka á því prófin og stressið sem því fylgir er víst alveg að skella á og það felur alltaf í för með sér minni matarlyst hjá mér :S

En jæja skólabækurnar bíða mín víst......